Este Acuerdo constituye la regulación actual del sistema de procedimientos de resolución de conflictos laborales hasta ahora vigente, que en adelante será denominado "Preco".

Akordioa aplikatzeko eremua Euskal Autonomia Erkidegoa da. Eremu honetatik kanpoko gatazkak akordio honetako prozeduren bidez ebatzi ahal izango dira gatazkan zerikusia duten langileen eta enpresarien gehiengoa ordezkatzen dutenek hala erabakitzen dutenean.

Akordioak Langileen Estatutuko 83.3. artikuluan hartzen du babesa. Hartara, bere lurralde-eremuaren barruan eraginkortasuna dauka enpresari eta langile guztiengan, euren ordezkari guztiengan eta sindikatu eta enpresari elkarte guztiengan ere.

Akordioa denbora mugagabekoa da. Dokumentua sinatzen denetik hasita, lau urterik behin sinatzaileek Akordioara amaiera iragarri ahal izango dute sei hilabeteko aurretiaz. Amaitu eta gero ere, Akordioak eragina izaten jarraituko du beste akordio batek haren lekua hartzen duen arte. Akordio berria indarrean jarri baino lehen hasi diren prozedurak aurreko akordioko arauen bidez bideratuko dira.

Batzorde paritario batek interpretatu eta aplikatuko du akordioa, bai eta berorren aplikazio arauak egin ere. Batzorde hori ELA, Langile Komisioak, LAB eta UGT sindikatuen ordezkariek eta Confebask-en ordezkariek osatuko dute. Gutxienez urtean behin bilduko da, eta alderdi bakoitzeko gehiengo osoaz hartuko ditu akordioak, salbu eta 6. eta 11.2. artikuluetan aipatutako kasuan, orduan ahobatez hartu beharko baititu. Gehiengoa, sindikatuen alderdian, Lan Harremanen Kontseiluaren ekainaren 27ko 11/1997 Legeko 8.3. artikuluan adierazitako irizpidearen arabera osatuko da.

Batzorde paritarioko edozein kidek eskatu ahal izango du azter dadila ea batzordera eramandako gairen bat akordioa interpretatze edo aplikatze hutsetik harago geratzen den ala ez. Halako kasuetan GEPeko hiru arbitrok aztertuko dute arazoa eta erabakiren bat hartuko dute ahalik eta lasterren. Arbitrook arbitraje prozedurako arbitraje epaimahaien erara izendatuko dira, eta euren moduan jokatuko dute. Batzordeak gaia aztertu eta ebatziko du bakar-bakarrik arbitroek adierazten badute arazoa ez doala akordioaren interpretatze eta aplikatze hutsetik harago.

Aurreko atalean sortutako batzorde paritarioak ahobatez onartzen badu, Hitzarmen edo akordio kolektiboetan ezartzen diren berezitasunak Akordio honen parte izatera pasatuko dira.