Aurrekariak:

2004ko otsailaren 3an Justizia, Lan eta Gizarte Segurantza Sailak Azterlan eta Araubide Juridikoko Zuzendaritzaren bidez Lan Harremanen Kontseilu honi. angileek, dagozkien ordainsariak jasoz, 2004ko martxoaren 14ko hauteskundeetan parte har dezaten arauak ematen dituen Agindu Proiektua bidali zion.

Agindu proiektuaren testua Lan Harremanen Kontseiluaren Txosten Batzordeko kideei bidali zitzaien eta 2004ko otsailaren 11n egindako bileran aztertu zen.

Agindu Proiektuaren testuari buruzko gogoetak:

Txostenaren gaia den Agindu Proiektuaren testuak, Eusko Jaurlaritzako Justizia, Lan eta Gizarte Segurantza Sailak helburu berbera betetzeko aurretiaz emandako arauen edukia errepikatzen du.

Aurreko proiektuak zirela eta, Lan Harremanen Kontseilu honek dagozkien txostenak eman zituen eta txosten haietan, sindikatuek eta enpresari erakundeek aukeratutako Txosten Batzordearen kideen iritzia zein zen adierazten zen

Oraingo arauaren testua eta aurrekoena bera direla ikusirik, LHKko Txosten Batzordeak, 2004ko otsailaren 11n bildurik, berriz ere errepikatzen du aurreko txostenetan esaten zen berbera. Zentzu honetan, sindikatu erakundeek aukeratutako kideek Agindu Proiektuarekin ados daudela adierazten dute eta enpresari erakundeek aukeratutako kideen ustez, berriz, ordaindutako baimena bakarrik eman beharko litzaieke langileei, hauteskunde kolegioen irekiera ordutegia eta langilearen lanaldia lau orduz edo denbora luzeagoz aldi berean gertatzen diren kasuetan.